靚屋睇完兜路行

  這間三房半獨立屋業主提供唔少靚仔相片,叫價合理兼連租約出售,帳面回報超過6%嘅屋,真係吸引唔少眼球和睇屋意慾,同日有15個bookings。

  可惜現場環境,大相逕庭。業主提供的網上圖片,明顯係招租時的狀況,租客一家似乎摎摎挍挍,屋內亂七八槽,屋外更加到處擺放雜物。天花板甩批盪、樓上滲水、發霉,都未處理好,但唔肯定係租客未匯報業主還是業主未修葺。樓上天花花紋同原來有出入,代表該位置曾經更換天花石膏板。


  好唔好彩,份租約竟然係2022年才到期一般租約係半年,長的可以係一年,似乎業主剛續或簽咗租約後不久,就計劃放售,咁是否業主收租有困難,所以決定連約出售?。

  如此條件,唔怪得個個睇完都兜路行。


#英國睇樓 #英國買樓注意事項 #移民英國 #移民曼城 #曼徹斯特


(版權所有,如需轉載,請註明出處)