一般香港朋友未到埗前租屋， 平均而言，都要付大約兩星期吉租。當然，有些朋友選擇到埗日才起租（或者說，起租日就到埗），但這做法最大的風險係未能預早發現問題。大家唔好抱住一個唔合理嘅期望，認為本地代理租得間屋，交得匙畀我，裡面唔係已經全部檢查好晒咩？Sorry, 本地代理租屋，其實多數唔會細心檢查屋內有乜問題，而係等租客報告。試過有個個案，租客起租日到埗，我哋當天才能一齊入屋檢查，結果發現廚房水盆及廁所馬桶嚴重漏水，完全不能使用， 租客最後要暫住酒店，等待維修。
另一個較好嘅個案，係我哋租屋所提供嘅入屋檢查服務，及早發現鍋爐出現問題，除咗有唔正常噪音外，熱水開極都只係暖暖地，完全沖唔到涼。業主管理公司安排人維修，亦需要一段時間。如果一家大細，冬天到埗，無熱水，無暖氣幾日，甚至一個星期，苦況大家都好明白。
近日與一個已到埗嘅租客家庭一齊入屋檢查，我哋亦會講解下屋內各樣設施應如何調較和使用。那次發現樓上浴室地磚有破裂，除了代為匯報之外，更要叮囑租客，如果浴室地面有太多積水，是會引致樓下天花板漏水，千萬不要倒水清洗浴室地面。因為類似嘅事情，真係時有發生。
讓我們在起租後查找問題及有需要時通報業主管理公司處理，雖然要付一段時間吉租，但絕對係一個較穩妥嘅做法。 #英國租屋#曼城租屋
（版權所有，如需轉載，請註明出處）