這個月份，真係相當忙碌。最近一宗幫香港朋友租屋嘅故事，實在值得分享。
因為香港朋友沒有英國信用記錄，一般都預咗要預交一年租金。睇完屋後，那間隔離埠嘅本地代理接受申請後，竟然要求租客除咗預繳一年租金，到第七個月時，要預交第十三個月租金，第八個月就預交第十四個月租金，即是收完一年租金後，第七個月開始，更要早半年交租。咁如果唔租的話，就要兩個月通知，一年完租約結搬出時，才退回多交嘅預繳四個月租金。
本地AGENT玩到咁，真係好鬼谷氣。可能個AGENT或業主唔係好想租畀香港人（但現時個租客都係香港人囉），亦可能唔少業主經常被拖或欠租。面對咁嘅不平等條約同要求，我哋同香港朋友商討後，當然係決定兜路行喇。
我回覆AGENT，按照法例要求，租客通知業主唔租，只需要畀一個月通知， 業主唔租畀租客，才是兩個月通知，你哋無權定立租約凌駕本地法例，即係明話佢違法。我問佢這個要求係業主提出還是佢哋提出，但對方唔敢覆。Agent 唔知這個要求，我好難理解，如果係業主提出，Agent 亦絕對有責任告訴業主有關法例要求。
翌日，對方同意撤回早六個月交租和兩個月通知嘅安排，問我哋會否接受租約。我哋只能回敬：唔好意思，請你繼續搵其他租客吧！
＃英國租屋 ＃曼城租屋 ＃曼城物業
（版權所有，如需轉載，請註明出處）