睇咗咁耐屋，終於第一次睇到間沉降嘅屋。身為「照騙」案的苦主，不得不介紹番：
前門：白色範圍的磚縫明顯同左邊不同，綠圈的磚更有樓梯級式罅隙；前篷屋頂同鄰居差咗一級。
廚房：兩邊台面向同一方向傾斜下沉，出現由細到大的罅。
房間：暖板咁斜法，是否只是裝工差？
浴室：門框唔係平水，磁磚都裂埋。
房門：按道門安裝門較凹位計算，門裝好後會離地2吋。好懷疑地面斜水，所以正常高度的話，道門不能開閂。
後園：同擴建部分比較，石磚向下斜；同一位置幾塊石磚亦破裂嚴重，後園唔會有車壓過都可以如斯狀況，主要係雨水沖走下面沙泥，導致石磚未能承托上面的重量。
業主一直出租，持貨幾年，化完裝後再以高超過30%巿價出售。睇屋當日，Agent 仲話已有幾個offer 喺枱面喎。隔咗兩日，打來問我意向，有無興趣出價，我如實告之對方見到間屋有沉降現像，佢反應係「定過抬油」，表示明白後收線。
（版權所有，如需轉載，請註明出處）