這間好校網區三房屋，表面叫價不太過份，但在熾熱的巿道下，減價後仍未能成行出貨，有無死錯？
睇完屋，發現投資者年初買入後化裝出售，打算撈番一大筆。但觀其手工、用料、狀況，相信都唔易出貨。
1. 側面圍牆得1.2米高，比通往後園的木閘門更矮，感覺好唔安全。
2. 大廳鋪雲石紋光面磚，屋主都知「冬天好凍，濕水好跣」，所以下面鋪地熱，電費條數，你懂的。
3. 屋外牆內側牆腳有水漬，裝修咗超過一個月，無乜可能係批蘯未乾，好大機會係有結構滲水跡象。
4. 廚房枱面連修口邊只係油油就算，櫃門亦無用油壓較，真係慳得就慳。
5. 浴缸側板明修螺絲都係第一次見。
6. 房間唔夠3米闊，地氊都要併接。
7. 房門雖然係新，但無預地氊厚度，幾道房門都被地氊卡住，唔易推關。
（版權所有，如需轉載，請註明出處）