奇葩屋盤,前所未「聞」👃

  雖然睇屋前,我哋會先睇過大致無乜明顯問題,才會幫客戶約睇樓,但現場一樣可以見到唔少奇葩。

  這間位於好校網區,睇相相當靚仔嘅半獨立屋,實在前所未「聞」。一入屋,先參觀個樓下廁所🚽,鋪晒磚,卻聞到啲異味💩,本來認為屋主無洗廁所,但再行返入口大堂,見到室內有個「沙井口」,行過側邊石磚地時,上面個大花瓶會咯咯聲。我問個屋主那個沙井口係乜,佢就話係維修口喎。

哦!😬


  睇完室內,當然唔係收工打道回府。在出面望幾望,確實有重大發現!樓上廁所條糞渠接落樓下廁所,但之後竟然唔係直接接落地底,而係入咗屋。個「沙井口」好明顯亦係糞渠維修口,所以有陣陣異味。真係o晒嘴。

  此外,廚房污水渠亦唔係出咗屋後,在排水渠口排水,而係在屋門前由左至右流到旁邊的地下渠,可惜斜度唔夠,結果殘留大量油脂異物,造成淤塞。🤮

  不過,如果睇樓果日鼻塞兼且唔睇埋條糞渠和污水渠,應該好快會落疊。



(版權所有,如需轉載,請註明出處)