曼城罪案數字報細數

每年12月,雖然係睇屋租屋淡季,但卻係爆格旺季。絕不諱言,大曼城區和英國唔少大城巿一樣,治安都係好一般(當然,每個城巿唔同分區亦會有唔同)。今年12月中,大曼城區的首席警官Ian Hopkins宣布提早大半年退休兼落台。理由係,在其領導之下,一年間竟然有80,000宗案件沒有正式調查並不恰當咁close file,即平均每日220宗,當中唔少係家庭暴力,令好多弱勢社群求助無援。


  一般傳媒都無翻佢舊帳,但值得一提的,係今年一月,曼城警方已被爆出因為電腦系統升級(花費咗2,900萬鎊),卻失去咗19年下半年起的罪案資料,國家統家局因此不能提供有關曼城地區的罪案數字。所以,大家如果租屋買屋時,發現心儀地區無乜罪案,千祈唔好太開心,實情可能係好多罪案都無被統計或正常處理。

  保守黨執政的內政大臣,當然乘機再插大曼城區得到多數議席的工黨兩刀,話佢哋領導無方。但工黨亦不甘示弱,反駁在保守黨政府執政期間,曼城區需要削減2,000名警務人員和1,000名後勤員工。

  所以英國唔少地方,唔好驚訝一般爆格甚至入屋行劫案,如果無人死、無人傷,就只會畀個case number 你,叫你自己claim 保險。


photo credit: MEN Media

#Ianhopkins #曼城治安

(版權所有,如需轉載,請註明出處)