邊類租客最唔敢欠租?

  過往睇樓,見過唔少屬低收入群組的東歐租客,擔心自己受疫情影響工作和收入;亦見過有外地人續唔到工作簽證要返祖家。最近《經濟學人》The Economist的文章,論述越來越少東歐移民移居英國。

  前首相May姐同歐盟談判初期,英國好擔心脫歐後,大量EU人會擁入,故要求將EU人在英國擁居留權的劃線定於脫歐公投之日。但在過渡期間,結果係唔少EU醫護同專業人士,返自己老家唔留英國。所以英國無乜牙力,要接受歐盟公民留英的劃線可以定於今年年底。 

講返投資買樓收者,最怕當然係遇到個租客欠租。同朋友吹開水,佢喺SALE區間獨立屋被英國本地租客拖足半年租,加上疫情,好難收屋。其實,唔同租客,欠租的風險和「成本」亦會唔同。

  • 英國公民: 劃花咗個底,用配偶個名租,扮分咗手,租約無落名但仍然同住,吹佢唔脹。

  • 歐盟人: 拍下屁股,飛返歐洲,就變番一條好漢,絕對無仇報。

  • 持簽證居留人士: 留英期間,千萬唔可以行錯路、差錯步。欠租、欠債、欠罰款、官司纏身等不良記錄,隨時續唔到簽證,要返老家。


(版權所有,如需轉載,請註明出處)