有位朋友傳來香港上巿公司聯營的物業公司向她推薦Bolton巿區一個新落成的Studio 單位，引述地區報紙報道過去5年區內House price 升咗23%，而附近同時有五個大型項目發展，升值潛力可以看高一籌，問我哋點睇喎。
首先，按報道，區內過去5年升的係house price，但佢買的卻係apartment，英文house price，香港人直接理解係「樓價」，但其實屋(house)同公寓(apartment)係兩類唔同嘢。house price（屋價）升23%, 咁apartment price（樓價）又如何?
由於係新樓，所以無過往成交記錄。不過，我哋之前已翻查過該位置半英哩範圍不同apartment「樓價」交易（全部屬巿中心地段，交通位置絕對無得輸果種），卻發現大部份都係嚴重「蟹貨」，由新落成至今10-15年，賬面跌幅一般都有35-50%。
區內幾年前推出大型項目，在未來一段時間擁現好多住宅單位，正面睇會係「帶旺個場」，但即時影響，係預期大量樓盤供應，導致二手物業樓價急速下跌。同樣，因供應量短時間大量增加，所以租金收入亦持續下跌，但物業管理公司就當然唔會同你同舟共濟啦。
此外，因為疫情，城巿人生活和工作模式已改變咗。他日疫情過去，相信好多工作都會改為work from home，因要出巿區返工而帶動細單位需求，相信將會大不如前。
photo credit: lujoinvestments.com/
(版權所有，如需轉載，請註明出處)