少咗爆竊案新聞 ,但唔好太早開心…

  年初〈爆竊頻生,如何自保 ?〉一文,至今仍有唔少朋友分享及轉載。現時比較少從新聞報道中聽到爆竊案發生, 因為有屋被爆竊已經唔係新聞,捉到賊先至係新聞😓。

  有些新移民agent連一些出名較差地區都話零罪案率,推介大家自住,卻唔知大曼城區警方自兩年前更新電腦系統後,無咗一大段時間的罪案統計數字,致今問題仍未解決。

  之前我哋提過,家中可以裝摺閘,有朋友話,英國本人一般不會這樣做,裝咗閘反而「此地無銀」引起賊人注意。但我哋要提出一點,就係英國本地人被爆格嘅機會係比亞洲人低,賊人爆得你屋企,絕對唔係白撞。唔少賊仍然相信,華人家中多現金,特別係做外賣店💰,印度人家中多黃金,所以亞洲人較易成為賊人目標,而且爆完翻兜再爆,都時有發生。

  據我哋觀察所得,近年因為多咗人居家工作,所以聽聞入屋爆格的個案係少咗,多數人家中亦不會存放太多現金、珠寶或貴重物品。但現時新嘅趨勢係半夜入屋偷車匙搶車。

  上個月, 聽到Trafford 區有條豪宅大街地段, 一晚有八部靚車被人連環入屋取走車匙搶車🔑,咁大規模,當然係集團式經營。晚上人在家中,多數人唔會SET地下層獨立防盜系統,所以隨時爆咗八間屋,全部alarm 都無響過。


  亦有江湖傳聞,有一個港人新移民家庭,剛到埗一兩個星期,買咗部全新靚車,結果好短時間之內,就被賊人覬覦,入屋取匙搶走架車🚗。


  今年10月,本地新聞報道,在大曼城區在兩個月內,有超過600架車被偷走。眼見唔少港人到埗後,出架比香港平一大截嘅靚車,其實好容易成為賊人目標,建議大家「低調奢華」。

  如果自己門口已經泊咗一架甚至兩架靚車,我哋有三個建議:

✅加呔盤鎖

✅可以的話,前園加裝矮鐵閘,晚上上鎖

✅出街時帶走所有車匙

✅車匙不要放在家中方便自己和賊人嘅地方


<爆竊頻生,如何自保?>

https://www.facebook.com/M33WA1415/posts/189023762913749


photo credit: which.co.uk


(版權所有,如需轉載,請註明出處)