唔查由自可,一查嚇親我。

  早前香港黃馮律師行被接管並即時結業,在香港來說實在罕有所聞。咁係英國,這些事又會否發生呢?

  英國Solicitors Regulation Authority (SRA)會定時公布唔同律師因各種違規行為而作出的監管措施,包括限制提供法律服務、限制個別員工處理客戶資金、公布律師名字、罰款、讉責、制裁、除牌、起訴,甚至勒令結業。咁一年裏面,又有幾多個律師會受到以上各種懲處呢?

  唔查由自可,一查嚇親我。我哋發現,係2019年全年,有425間律師行榜上有名,受到不同種類的處罰。其中包括75間律師行被勒令結業。至於2020年全年,就有523間律師行出現問題和64間被封舖。


  冤有頭,債有主,不幸幫襯咗間有問題嘅律師樓而資金被凍結,當然唔係要斥責監管機構。2021年全英格蘭及威爾斯有超過15萬名執業律師,SRA公布的數字,包括所有提供不同法律服務的律師,而不是單純物業買賣律師(Conveyancing Solicitor)。至於數字是否值得擔心,又要自行定斷啦。

  但起碼發現,原來律師份買賣合約寫錯你個名、寫錯銀碼、寫錯物業地址,都無乜大不了啫。

資料來源: sra.org.uk


(版權所有,如需轉載,請註明出處)