疫情賣屋年增過倍,智庫提出重大啟示

  英國好多屋的後園,都會有間小木屋(SHED)用來放置剪草機和園藝用具。有間公司賣小木屋去年銷量增加113%,原因當然唔係多咗人買剪草機無位擺,而係好多人在家工作需要擴充獨立空間。有電有WIFI,搬張枱搬張櫈基本上就可以開工。一間獨立屋仔,提供咗一個唔錯的獨立空間予白領、搞Creative、玩音樂、甚至係「老作家」。

  今期《經濟學人》討論這個問題,更講到兩位英國智庫,正埋頭研究家居工作的現象,在疫情過後如何令城巿結構出現重大改變,到時大家唔使出巿區返工,coffeeshop員工、的士司機都要諗定條後路,而社會對於公共交通系統的需求亦會不大如前。

  這種意見,同我哋一直所提出的諗法都好相似:巿區地段、鐵路沿線、以白領階級為主要對象的細單位,將來需求會持維下跌,巿區商用物業更加係「前途似咁」。提到公共交通系統需求大減,我哋更懷疑首相BJ去年初決定繼續修建的倫敦/曼城高速鐵路,會否因造價高昂(去年初的最新估價係超過1,000億…英鎊)、政府財赤、需求不再等因素,而步星馬高鐵後塵。(他日另文討論)

  在香港,有唔少賣海外物業的地產公司都會以高鐵項目作為賣點,力推吉隆坡同曼城巿區樓,這其實都係伏位所在。


參考資料:How the spread of sheds threatens cities, The Economist 23 Jan 2021 圖片來源:Getty Images

(版權所有,如需轉載,請註明出處)