有屋無人租,有人無屋租

上月發現,曼城巿區租盤蟹貨橫行。事隔一個月,我哋又再做番同樣研究,卻有重大發現。

  • M5(Salford) 及M27(Swinton)地區可租物業數量一個月內明顯下降 ,WA5 Warrington地區的盤,更大幅度下降超過40%。

  • M1(曼城巿區)及M3 (Salford)地區可租物業數量亦開始下降,巿場漸漸消化。


至於出租比率變化:

  • M1, M27地區出租比率有明顯改善。

  • M33, WA1 及SK8地區變化最少,不過…….


單比較兩個月物業數量和出租比率增減,我哋無辦法分辨兩種極端情況:

  1. 一潭死水,完全沒有出租個案;

  2. 貨如輪轉,完全沒有租唔出個案。


所以,我哋加多一個指標,就是14天出現的新盤比例,結果同樣驚人:

  • M33(Sale)及WA5(Warrington)地區有80%及90%的租盤係14天內新增,反映租盤極度渴巿,相信租金亦會雞犬皆升。

  • SK8(Cheadle) 14天新增租盤相對最低,只有25%,反映現存租盤需要較長時間消化,租唔到屋的朋友,可以考慮下SK8地區。


然而,按我哋經驗,唔少盤雖然未顯示「已出租」,但事實上已經收到足夠睇屋人數而封咗盤。所以真正可租的物業,比圖表中顯示的數字更少。

數據如此,亦歡迎大家自行解讀。



(版權所有,如需轉載,請註明出處)