最近幫個業主處理個boiler長期水壓太高的問題。boiler 水壓太低會唔著，但太高，就唔會爆炸（個南亞業主日日心慌慌）。上次出咗個關於boiler 唔work的post 之後，亦一直有唔少朋友問，個別暖板唔暖，應該點？
如果其它radiator 無問題，只是個別暖板唔熱，最常見有以下兩種情況，解決方法亦唔難：
1. 個掣扭到最大，都無反應。 好大機會，係個扭掣開關裡面粒鐵卡住咗，唔識自己彈番上嚟。只需要扭開個掣 （睇片），然後用鉗鬆番粒鐵，確保佢自己可以彈番上嚟，之後裝番個扭掣就可以。
2. 塊暖板開咗十分鐘，都係半塊熱，半塊唔熱。 這種情況，係塊暖板裡面有空氣困住，有時亦會聽到一些水滴聲（如果半夜聽到，絕對唔使心驚驚）。
你見到暖板上面其中一邊會有個小氣孔，附近有正方的扭掣，
你可以先關掉個boiler 一陣，然後用條方形匙（五金舖有得賣，唔使一鎊），較新款的暖板可以用一字批扭（如圖），逆時針慢慢扭90度，裡面的空氣就會放出來，你亦會聽到Si..si...聲，放晒D氣後，就會有水噴出來，所以記住放定塊布抹地板或吸水，亦要小心Ｄ水可能會熱熱地。
希望這段分享，可以在有需要時幫助大家過渡寒冬。
(版權所有，如需轉載，請註明出處)