搏一搏,單車變摩托?

  有人介紹,低價買入英國好區殘破物業,間房翻新,升級增值放售。搏一搏,單車變摩托?

  英國裝修,好的師傅隨時排期半年,唔少裝修師傅施工,自己要預定個桶嘔血。開波拆牆揼爆 ,當然爽手,洗濕咗個頭,就跟到嘔。預計二個月工程,隨時搞足半年。冬天日短夜長,要提早收工,夏天陽光普照,要放假輕鬆。落雨潮濕,又唔想油牆補窿。有幸完工,唔爛尾收到七成貨,都算係咁。


  如果業主自己唔懂裝修,很多問題會後期才發現(睇樓期間我都發現唔少)。如果業主自己懂裝修,仲大件事。睇唔過眼,講多幾句,師傅心裡唔多爽(我做嘢唔使你教呀?這裡英國我主場!),擘炮唔撈,爛尾收場,都見唔少。

photo credit: homelight.com

  又如果他日成功出貨,嘔咗半桶血仍然有命,就有機會要預留20%交資產增值稅。如果無命,咁就要預40%交遺產稅啦。

  所以,錢唔易賺,大家自己睇路!


(版權所有,如需轉載,請註明出處)