最近幫一個香港家庭租屋，實在困難重重。最終睇啱間好合適嘅屋，本地代理話業主因為他們的居民身份，所以要求交兩個月按金。有些本地業主總係有啲特別要求，但我哋回覆:
1) 由HOME OFFICE 發出的居留權證明，已寫明他們嘅居留權和租屋權到2027年，遠遠超出有關租約，所以完全沒有問題。
2) 在2019年6月1日生效嘅Tenant Fee Act 2019規定，年租金£50,000以下的短期租約 ，業主限收5星期按金，如果年租金£50,000或以上，業主限收6星期按金。如果業主要求收取兩個月租金，實在有違有關法例要求。
3) 如果收咗兩個月按金，業主或代理將不能登記有關租約在政府指定嘅按金保障戶口，間接不能存入按金，咁到時又會違反2007年4月生效嘅Housing Act 2004。
代理翌日回覆，已同業主溝通，話業主唔知有關法例限制已經生效，現在可以接受5星期按金嘅安排。其實，如果業主第一次租屋唔了解有關要求，亦唔出奇。但本地agent做開租務，發現如此明顯問題亦唔提出，真係唔知佢哋係真唔知還是唔想理會。
我哋代業主放租，試過有業主因為租客信用記錄要求收多啲按金，亦試過有租客因為有寵物，自願付多啲按金，但我哋就講明唔可以，因為法律上限係5星期。
（圖片只供參巧，與內文無關）