有間Apartment租客報告個單位唔同地方出現潮濕發霉 (damp) 等現像。我哋搵出各種原因後🔎，一次過處理晒。
第一種情況，牆身發霉。但測濕機讀數極低，即代表裡面沒有滲水，發霉原因，主要係空氣不夠流通。
解決方法：用已稀釋的漂白水移除霉菌，但之後需保持室內空氣流通或者開動抽濕機。
第二種情況，掀起牆紙， 發現後面發霉，但由於並非外牆，樓上附近亦沒有水管，測濕機讀數稍高。好大機會係室內牆身旮旯長期較多水氣凝聚(condensation)，加上該位置溫度差異較大，濕氣滲入牆紙裡面引致發霉。
解決方法：撕走牆紙，清走霉菌，批灰磨平，油一層帶油性的防潮漆，應可以有效解決。
第三種情況，發現室外有明顯水跡，測濕機讀數爆表。裡面位置，正正係廚房總水制，移走洗衣機後，發現原來水制一直在滴水，大約每十秒一滴，而且情況已經有一段很長時間，但由於係地面層，興幸除咗室外地方長期有漬水外，對其他鄰居未有造成太較大影響。但最奇怪係，此問題其實上手已經發現，因為有人相信在水龍頭位置包一條電線膠布包多幾圈就可以解決問題，真係佩服晒！ 😒
解決方法：拆晒電線膠布，在合適的位置上緊螺絲，水制就不再滴水。💧
潮濕滲水有唔同原因和解決方法，以上三種都係常見現象，下回討論我們處理過的第四種發潮的問題及解決方法：Rising Damp
（版權所有，如需轉載，請註明出處）
Comments