有位非洲裔歐盟家屬租客，住咗英國幾年，因有被騙財經歷，結果租屋份外小心，害怕再次受騙。搞完租約，要交第一個月租金同按金時，對方打來話我哋從事非法活動，兇我哋話要報警。搞乜？
事緣佢話從土地註冊部門查到有關物業所屬業權係一間有限公司，與我哋出示業權證明文件上嘅業主名字完全不同。於是一口死咬住話我哋係欺詐，要報警云云。
這個朋友真係好小心，真心值得一讚。只可惜查Ｄ唔查Ｄ，知D唔知D。間屋屬於LEASEHOLD，但佢只查咗FREEHOLD張契，個名當然唔同。塊地係政府早年將業權賣給一間土地發展公司，該公司持有FREEHOLD，起咗屋後再以LEASEHOLD賣給小業主，所以同一間屋會有FH同LH兩張契。FH持有人當然係那間土地發展公司，而LH的業權就屬於小業主。
花咗唔少時間、口水同耐性向這個朋友解釋，對方才明白發生乜事。最後，當然要同佢開個玩笑：如此所謂騙案要報警求助，好明顯你在英國應未報過警。 對方笑言，咁又真係未喎。
Photo credit: www.londonpolice.ca
（版權所有，如需轉載，請註明出處）