港人租屋難,本地人租屋同樣難

  不論已到英國,還是仍在香港,在英國租屋困難的故事大家都聽唔少。我哋除咗幫租客搵屋,亦幫唔少海外業主搵租客同埋管理物業,所以亦有唔少另一邊廂嘅故事。

  經常聽到有些香港朋友話,聽聞某區好雜,邊區又好唔得。其實每個地區都有好同唔好嘅地段。話某個區好雜,講緊個範圍係大過九龍半島,咁樣嘅描述就好似因為油尖旺區龍蛇混雜,所以就同外地人講,九龍區好雜啊!但卻唔知有人住開九龍塘,完全唔同意這種講法。況且,英國經常會豪宅區同公屋同一條街,情況類似香港赤柱區有馬坑邨,深水埗區有又一邨咁。

  相反,唔知是否有youtuber曾經發功,短時間內有些朋友相繼問某一小區有無盤。我哋好好奇問對方點解揀那個小區,之後share本地新聞報道,告訴對方那個小區係大曼城區一年最多黑幫槍擊案嘅地段。但當然,大曼城區警方話,普通居民絕對毋需擔心喎!(沙塵滾滾,殺錯良民就另計。)

  農曆年前,有好幾個在Sale、Salford同Bolton嘅盤放咗一段時間都未有香港朋友落實,之後放出本地巿場,其中一個盤24小時內收到近30個要求睇屋的申請,結果要馬上暫停廣告。三間屋結果一個星期內全即起租。我哋先篩擇一些本地租客睇屋,最快的租客,睇完屋後更即時落埋holding fee。好明顯,香港人搵屋嘅要求,似乎同本地人唔同。


  亦試過有好幾個本地租客,得知成功租到我哋管理嘅物業後,極度開心的反應,實在難以形容。

  有些香港業主對於攞福利的本地租客有錯誤理解,甚至帶有歧視,其實係唔了解英國社會實制情況。攞政府福利的本地人,經篩選後,都會有唔少十分合適的租客,話晒「政府出糧」都會好準時。


  視乎地區,有些本地租客,交五星期按金,都要等上一間屋退番按金才有錢;交租日又要改到出糧日才可以。本地人普遍無乜積蓄,所謂:花光吃光,身體健康嘛!相對而言,可以一次過交半年甚至全年租金嘅香港朋友,當然會有優勢。

  我哋試過一家六口兼有三隻狗,一星期內,搵到校網區靚盤。最近亦有一家五,全部大人,兼且有貓有狗,經我哋安排下,業主租客雙方討價還價,互相妥協,定下租約。


  一間屋可以成功出租,真係好睇天時、地利、人和,有時雙方在錯誤時間出現,始終都係有緣無份。最近我哋更新咗一批各區租盤,有大有細,有平有貴,有些寵物可議,有興趣嘅朋友,可以留意下我哋個租盤分頁。


(版權所有,如需轉載,請註明出處)



https://www.dddone.uk/rent


#英國租屋 #物業管理 #buytolet