適當處理信件

  我哋嘅物業管理服務,經常都要花唔少時間,幫業主甚至已搬走的租客處理間屋空置期間所收到的信件。


  試過有位海外業主朋友,因為間屋之前長期空置,水、電帳單一直靠估而累積大量欠款,結果收到唔同收數公司催收所謂「欠款」及預備入紙向法庭追數。我哋同多方糾纏多輪,最終得到妥善解決, 但在英國處理這些問題,實在十分費勁。


  我哋亦試過代租客轉發交通告票。搬屋轉地址期間,如果因超速或入巴士線被影相,但又收唔到告票,最終可以好大鑊。


  做本地租客信用記錄調查時,有時亦會查到租客有被入稟法庭追款記錄而完全唔知,但講緊金額只係幾百鎊,好大機會係因私人停車場超時停車嘅最終結果。


另外,亦有間APARTMENT,因成交前空置一年多,個信箱塞咗過百封信及廣告單張,當中有四份一係關於收電視牌照費用。


處理信件雖然係一些好微細嘅工作,但對業主和租客都可以造成好大影響。


(版權所有,如需轉載,請註明出處)