萬勝節都過咗咁耐,點解夜鼆鼆有幾個人大力拍門 ?

  一打開門,已見狂風掃葉兼落住雨。幾個人好心急問:你是否有張彈牀?現在已被吹到馬路上面擋住啲車。走出去一望,發現前園成張彈牀唔單止吹翻咗,而且還吹走咗十幾米,橫放在馬路中間,有個司機亦因前路受阻而無奈等待。


  無錯,現時又係英國打風季節。英國的風季每年大約9月份開始,風暴的名字係跟英國字母排。11月尾係今個年度第一個風,叫Arwen, 這幾日個風叫Barra, 下一次就會係C字頭,叫Corrie。


  香港風球訊號,會因應平均風速而分發出,英國就用Yellow, Amber, Red三種色分級,但查完一輪資料,似乎無發現英國氣象局會講明風速幾高,才發出不同的警報訊號。


Photo credit: The Guardian/ Andy Gibson


(版權所有,如需轉載,請註明出處)