唔少朋友搵完屋、搵完學校、搵完車，就陸陸續續開始搵工。去年年中，BBC有報道話曼城區一份餐廳接待員招工，
廣告出咗一日就收到近千個申請，當中不乏名牌大學畢業生。但近月聽聞唔少新到曼城區的香港朋友，都搵到不同種類的工作。其實以香港人的工作態度和盡責任精神，在英國絕對不愁無工開。當我哋尊重自己嘅工作，就算係低技術，都可以做得好專業！
講起工作態度，曾經在香港向剛畢業的少年人說了一個啟發性的故事。
我哋買電筒，當然會追求用同樣電池，越光越好。有個人有日收到支贈品級數的弱雞電筒，一直擺埋一邊，不屑一用。直到有日，佢工作夜深才入房瞓覺，房內漆黑一片，伸手不見五指，佢又唔想開燈打擾太座，結果摸到果支一直睇佢唔起嘅電筒照明，自此之後，對果支電筒肅然起敬，兼且大有領受。原來支電筒有無用，不在乎佢嘅光度，而在乎佢嘅位置。不論如何強勁的電筒，在日光之下，都係無乜用；但在漆黑環境下，黯然的光線，卻能發揮作用。
同樣，縱使一個人入水能游、出水能跳，差D識飛，在全能上帝面前，都只係人一個，受到生老病死、甚至情緒限制。然而，另一個人，即或沒有特別技能，只要找到合適的位置，同樣可以憑著專業的工作態度，備受重用。
香港人加油！
Photo credit: medicalnewstoday.com
（版權所有，如需轉載，請註明出處）