又要多謝一眾朋友對我們服務的肯定和信任，推介我們的物業管理服務予另一位居於歐洲大陸的海外業主。唔少海外業主真係受盡本地物業管理公司的氣，一個電話隨時同我哋吐足30分鐘苦水。
出租物業當然需要一分Domestic Electrical Installation Condition Report (EICR) ，即是家居電力裝置狀況報告，講起這份EICR，我們遇過幾個值得討論的個案。
有位apartment業主求助，佢自己搵電工做咗份EICR，不幸肥咗。對方提供報價需要修正的費用係超過£1,000。我哋睇過份報告卻發現錯漏百出兼唔少前後矛盾。結果我哋提供意見，安排另一電工修正「真正」需要修正的事項，以達致合格準則。費用係低過原來的一半。
另有間本地Agent一直只係提供咗一份叫Minor Electrical Installation Works Certificate，即是小型電力裝置工程證書。這是一份安裝證明書，並非所需要的安全測試報告。租客和外地業主有時未搞得清楚兩者分別，就被本地Agent魚目渾珠。
有時，雖然有EICR，但一樣有伏。附圖個電箱，被我哋發現電熱水爐和煮食爐駁埋同一個32A開關，睇番張已經合格的EICR，知道真係同一條線駁咗兩個高耗電量裝置。從安全的角度講，係無問題，只是同一時間，如果一個人在廚房煮飯，另一個人在浴室沖涼，就會好快因超負荷而跳制，都幾安全呀！
（版權所有，如需轉載，請註明出處）