這間屋19年1月以大約190K，搞完一大輪裝修及改建，21年叫價290K，亦好快成交。工程包括，加高了車房，廚房屋頂改建加天窗，內寵更拆牆打通間隔，連內部裝修，估計工程費用大約￡60-80K。GOOGLE 今年拍攝的衛星圖仍是未改裝前的頂屋，反映工程剛剛完成。AGENT 話業主因有小朋友出世，所以想搬大屋喎。
好奇之一：睇睡房張床，個小朋友應該最少三至四歲，即搬入之前已出世，而非「意外搞出人命」所以想搬大屋。
好奇之二：裝修搞咁多工程，完工一兩個月即放，實質有無景轟？
好奇之三：前園17年的街景圖泊車位置石地比較原好，不用幾年，已嚴重壓爛，到底平時泊乜車？
好奇之四：政府網頁資料反映河道氾濫和路面水浸風險都高，連場大雨的話，會否前後園都浸水？
好奇之五：全部工程都無正式入則申請，有些工程可能可以豁免，但同街另一物業曾經有類似工程，卻有正式入則，這間屋會否有伏呢？
機會給予有預備的人，高風險的物業就係留番畀其他人。
(版權所有，如需轉載，請註明出處)
Comments