租屋都要進窄門、走窄路

最近受托睇咗間中間排屋的租盤,當然網上圖片除咗像素較低、圖片較少外,狀況大致可以接受。結果一到現場,第一個感覺,係道大門窄咗。信感覺之餘,當然要實質攞把尺度一度。一般大門應有750-800mm濶,但睇咁耐屋,第一次見到咁窄道門,得710mm。

  前門唔得,咁後門又如何?後園木閘雖然夠闊,而且方便到可以一腳踏開,可惜後園條路雜草叢生,加上週邊房屋唔少頹垣敗瓦,條後路實在「唔係路」。

  當然我唔係擔心英國人有肥到入唔到屋,只係擔心唔少傢俬甚至電器就算拆道門到入唔到屋,亦難怪室內無梳化。如果租住apartment,就更加要留意電梯尺寸,以及電梯數量相對住戶數量。曾經見過大學區的有座六、七層高apartment,近70-80戶得一部升降機,真係唔知係點玩法。



(版權所有,如需轉載,請註明出處)